Anje Duhalde eta Niko Etxarten kontzertua, gaur gauean, ETB1en

Anje Duhalde eta Niko Etxart abeslarien kantaldiaz gozatzeko parada izango dute gaur gauean ETB1en. 'Oholtzan' saioak Bilboko BBK Aretoan grabatutako kontzertua eskainiko du gaueko 21:00etatik aurrera. Kantu mitikoak izango ditugu entzungai: 'Goizero', 'Bakezale', 'Irtenbiderik ez zen', 'Kantuz', 'Eperra', 'Maitasun nortasun'... besteak beste.

Ondoren, Portugaleteko Nazioarteko Folklore Jaialdiaren ekitaldi nagusia izango da ikusgai, Imanol Artolaren eta Alfredo Elgezabalen kontakizunarekin. Aurten, Nicaraguako Folklore Balleta, Irlandako Trim The Velvet taldea, Errusiako Ogonki Folklore taldea, Tailandiako Chanthaburi Folklore dantza taldea, Keniako African Tumbas taldea eta Panamako Folklore Balleta izan dira protagonista nagusi, Elai Alai Portugaleteko dantza taldeak antolatutako Nazioarteko Folklore Jaialdian.