Kirol emanaldiak
Altuna III/Olaizola II, Andre Maria Zuriaren Torneoko finala, ETB1en eta eitb.eus-en
EITB
Gainera, Euskal Herriko sega txapelketa finala eta Lekeitioko Zesta Sariaren finala eskainiko dira, besteak beste.
Your browser doesn’t support HTML5 video
Gaur, abuztuak 5, Gasteizko Ogeta pilotalekuan jokatuko den pilota jaialdiarekin bat egingo dute zuzenean ETB1ek eta eitb.eus-ek. Partida nagusia Altuna III.a eta Olaizola II.a pilotariek jokatuko duten Andre Maria Zuriaren Torneoko buruz buruko finala izango da. Gainera, Elezkano II-Martija/Arteaga II-Aretxabaleta binakako norgehiagoka eta Victor/Dario lau t'erdiko partida jokatuko dira. Xabier Euzkitzek, Joxan Tolosak eta Elena Anduezak egingo dute emanaldiaren kontakizuna zuzenean, 17:00etatik aurrera.
12:00etan, Euskal Herriko sega txapelketako finala eskainiko dute ETB1ek eta eitb.eus-ek Asteasutik zuzenean. Juanan Legorburuk eta Migel Mari Jauregik egingo dute kontakizuna.
Zesta ETB4n
ETB4k eta eitb.eus-ek zuzenean eskainiko dute Lekeitioko Zesta Sariaren finala, 19:00etatik aurrera. Zulaika-Lopez eta Beaskoetxea-Aldazabal bikoteen arteko norgehiagoka izango da, eta Iñigo Aiestaranek eta Felix Espillak izango dute partidaren kontakizunaren ardura.
12:00etan, gainera, ostiralean Hossegorren jokatutako Gran Slam Sariaren finala eskainiko dute ETB4k eta eitb.eus-ek, Goikotexea-Portet eta Barandika-Etcheverry bikoteen artekoa.