Kirolak
Elgoibarko torneoko finala eta Boiroko Bandera, gaur, zuzenean
EiTB
Donostiako Antiguako pilota torneoko finalak eta Bilboko Aste Nagusiko emakumezkoen herri kirol jaialdia ere eskainiko dituzte.
Your browser doesn’t support HTML5 video
Arraunarekin ekingo diete ETB1ek eta eitb.eus-ek gaurko zuzeneko kirol emankizunei, 12:00etan. Eusko Label Ligako traineruak arituko dira nor baino nor gehiago Boiroko Bandera eskuratu nahian.
17:00etan, ohi denez, pilota izango dugu, Elgoibartik oraingoan. Bakaikoa-Galarza eta Etxeberria-Erostarbe bikoteen arteko partidak zabalduko du jaialdia, eta Elgoibarko torneoko finala jokatuko da ondoren.
Herri kirolek eta afizionatu mailako pilotak osatuko dute igandeko kirol eskaintza: 16:00etan, Bilboko Aste Nagusiko emakumezkoen herri kirol jaialdia izango da ikusgai ETB1en eta eitb.eus-en; aurretik, 13:30ean, Donostiako Antigua auzoko pilota torneoko finalak, ETB4n eta eitb.eus-en.