ETB1, 09:00
Legebiltzarreko Osoko Bilkura, gaur, zuzenean, ETB1en eta eitb.eus-en
EiTB
'Egun On Euskadi' saioaren barruan egingo da emankizuna goizean eta albistegi berezi batean arratsaldean.
Eusko Legebiltzarra. Argazkia: EiTB
Gaur, Eusko Legebiltzarrean egingo den politika orokorrari buruzko eztabaida zuzenean jarraitu ahal izango dugu ETB1en eta eitb.eus-en.
Goizean, 'Egun On Euskadi' albistegiko lankideek 09:30ean konektatuko dute Legebiltzarrarekin, Iñigo Urkullu lehendakariaren hitzaldia osorik eskaintzeko. Bazkalostean, 14:30ean, albistegi berezia hasiko da, arratsaldeko saioa osorik eskaintzeko. Amaia Cayero kazetariak gidatuko du emanaldia.
Euskadi Irratiko 'Faktoria' Legebiltzarretik egingo dute gaur, zuzenean. 07:45 aldera, Maite Artolak eta Iñaki Guridik lehen konexioa egingo dute Legebiltzarretik. Ondoren, Bakartxo Tejeriarekin, EAJko Iñigo Iturraterekin eta PPko Laura Garridorekin hitz egingo dute.