Kirolak
Gernika-Bilbao Running lasterketa eta Tolosako pilota jaialdia, gaur, zuzenean, EiTBn
EiTB
Elezkano II.aren eta Irribarriaren arteko Lau T'erdiko Txapelketako norgehiagoka izango dugu ikusgai.
Gaur goizean jokatuko den Gernika-Bilbao Running lasterketa izango dugu eguneko lehen kirol hitzordua ETB1en eta eitb.eus-en. Juanan Legorburuk, Xabier Leibarrek eta Anartz Agirrek egingo dute bertan gertatzen denaren kontakizuna zuzenean.
16:00etako herri kirolen tartean Urrezko Aizkorako asteburu honetako jardunaldiaren berri emango digu Ibon Gaztañazpik Joxe Etxebesterekin batera.
Azkenik, 17:00etan, Tolosako Beotibar pilotalekuko jaialdia izango dugu ikusgai zuzenean. Atariko partidan Mendizabal III-Ruiz eta Elordi-Martija izango dira nor baino nor gehiago. Ondoren, Lau T'erdiko Txapelketako final zortzirenetako norgehiagoka jokatuko dute Elezkano II.ak eta Irribarriak. Xabier Euzkitze, Joxean Tolosa eta Elena Azpeitia izango dira esatariak.