Kirolak
Lau T'erdiko Txapelketako Bengoetxea VI-Urrutikoetxea, gaur, zuzenean, EiTBn
EiTB
Lekunberriko jaialdiaz gain, Urrezko Koparen jardunaldia ere zuzenean emango da Arabako Pobes herritik.
Oinatz Bengoetxea
Lekunberriko pilota jaialdia izango dugu ikusgai, gaur, ETB1en eta eitb.eus-en, 17:00etatik aurrera. Bertan, Lau T'erdiko Txapelketako norgehiagoka jokatuko da Oinatz Bengoetxearen eta Mikel Urrutikoetxearen artean. Aurretik Mendizabal III-Zabaleta / Ezkurdia-Galarza partida jokatuko da eta ondoren Ugalde-Lasa IV / Armendariz-Martinez.
Goizean, 12:00etan, 'Oreka' saioaren barruan, herri kirol emanaldia izango dugu: aizkolarien Urrezko Kopako jardunaldia Arabako Pobes herritik.
Arratsaldeko herri kirolen tartean, berriz, ostiralean Urnietan jokatutako desafioa izango dugu ikusgai: Urtzi eta Beñat Telleria, Suharri Irazustabarrena eta Julen Gabirondoren aurka.
12:30ean, ETB4n eta eitb.eus-en, zesta puntako San Fausto torneoko finala izango dugu ikusgai.