22:30ean
'Código de defensa' filmaren estreinaldia, gaur gauean, 'LND'n
EITB
Saioak, gainera, Viggo Mortensen eta Rita Hayworth aktoreen ibilbide profesionalak errepasatuko ditu eta atal berri bat estreinatuko du, 'Adivina quién es'.
John Cusack 'Código de defensa' pelikulan
Gaur gauean, 'La Noche de...' saioak Código de defensa akziozko pelikula estreinatuko du telebistan, Jonh Cusack, Malin Akerman, Hannah Murray eta Liam Cunningham aktoreekin. Ameriketako Estatu Batuetako agente berezi batek (Cusack) emakume gazte bat (Akerman) babestu beharko du Ingalaterrako estazio sekretu batean. Emakumea defentsa kodeak zifratzeko prozesuaz arduratzen da. Felix Linaresek filmatzeko lanaren eta aktore zerrendaren datu guztiak eskainiko ditu lana eskaini aurretik.
Bestalde, Viggo Mortensen aktorearen 60. urtebetetzea hizpide hartuta, haren ibilbide profesionala errepasatuko du saioak. Horrez gain, Rita Hayworth aktoreak bere haurtzaroan jasan zituen sexu abusuen inguruan arituko da CSI Hollywood atala.
Amaitzeko, Adivina quién es atal berria estreinatuko du 'LND'k, eta aktore ezagunen lehen paperak erakutsiko ditu.
'La Noche de… Código de defensa' gaur izango da ikusgaik 22:30ean, ETB2n eta eitb.eus-en.