22:15ean
Iñigo Cabacasen heriotzaren inguruko epaiketaz, gaur, '360º. Tú Decides' saioan
EiTB
Saioak, gainera, Altsasuko kasua hartuko du hizpide, gertakariak izan zirenetik bi urte pasatu direnean.
Cabacas auziaren epaiketa. Argazkia: EiTB
Aste honetan hasi da Iñigo Cabacasen heriotzaren inguruko epaiketa. Zorigaiztoko gertakaria ala arduragabekeria larri baten ondorioa izan zen? Argituko al du epaiketak gertatutakoaren ardura norena izan zen? Gertakari lazgarri haren lekukoen testigantzak jasoko ditu '360º. Tú Decides' saioak, eta euren bizipenak lehen pertsonan kontatuko dizkigute.
Bestalde, bi urte bete dira Altsasuko gertakariak izan zirenetik, eta zazpi gaztek kartzelan jarraitzen dute oraindik. '360º. Tú Decides' saioko lantaldea Sakanako herrira joango da, bertan egoera nola bizi duten jakiteko. Gainera, Bel Pozueta, Adur Ramirezen ama, eta Aritz Leoz, Iñaki Abaden laguna, izango dituzte platoan.
Horrez gain, 50 herritarren iritziak eta Fernando Palacios, Tito Irazusta, Irantzu Varela eta Galder del Campo solaskideenak bilduko ditu saioak.
'360º. Tú Decides' ostiraletan izaten da ikusgai, 22:15ean, ETB2n eta eitb.eus-en.