Kirolak
Real Sociedad-Levante eta Altuna III.a-Ezkurdia, gaur, zuzenean, EiTBn
EiTB
Iberdrola Ligako eta Lau t'erdiko txapelketako partidez gain, EDP Bilbao Night Maratoiaren laburpena izango dugu ikusgai.
Zuzeneko bi kirol emankizun izango ditugu igande honetan ETB1en eta eitb.eus-en.
Hasteko, futbola. Iberdrola Ligako Real Sociedad-Levante norgehiagokaren berri emango dute Naxari Altunak eta Laraitz Lucasek 12:00etatik aurrera.
17:00etan, ohi denez, pilotaren leihoa zabalduko dute. Donostiako Atano III.etik, hiru partida eskainiko dira: Mendizabal III.a-Martija / Irribarria-Galarza, Altuna III.a-Ezkurdia (Lau t'erdiko txapelketa) eta Peña II.a-Dario (Lau t'erdiko Promozio Txapelketa). Xabier Euzkitze, Joxean Tolosa eta Elena Azpeitia izango dira esatariak.
Horrez gain, 11:30ean, EDP Bilbao Night Marathoia probaren laburpena egingo du Juanan Legorburuk.