Kirolak
Bigarren B mailako futbola eta Lau t'erdiko Txapelketa, gaur, zuzenean, EiTBn
EiTB
16:00etan Athletic B eta Izarraren arteko norgehiagoka eskainiko da. 18:00etan 'ETB Kantxa' tartea irekiko da Altuna III-Bengoetxea VI partida eskaintzeko.
Bengoetxea VI eta Altuna III. Argazkia: EiTB
Arratsaldean, 16:00etan, Lezamatik zuzenean, Bigarren B mailako futbolarekin hasiko da larunbateko kirol-jardunaldia. Athletic B taldea Izarraren aurka arituko da. Kirol-kontaketa Naxari Altunak eta Juanan Larrañagak egingo dute.
Hau amaitzearekin batera, 'ETB Kantxa' tartea irekiko da, 18:00etan, Iruñetik zuzenean. Altuna III.a, Bengoetxea VI.aren aurka arituko da Lau t'erdiko Txapelketan. Jardunaldia amaitzeko bikotekako partida bat izango da ikusgai: Artola-Aretxabaleta / Laso-Albisu. Josetxo Lizartza, Jokin Errasti eta Xabier Andueza izango dira esatariak.
Partida guztiak zuzenean jarraitzeko aukera izango da ETB1en eta eitb.eus-en.