'Frío en julio' filmaren estreinaldia, gaur gauean, 'La Noche de...' saioan

'La Noche de...' saioak Frío en julio filma estreinatuko du telebistan, Joe Lansdale zinemagileak zuzendutako thrillerra. Hainbat genero landu ditu bere ibilbidean zehar: Conan el Bárbaro bezalako komikietatik hasi, eta Batman edo Superman bezalako telesailetaraino. Gainera, film honetan hainbat aktore ezagunek hartu zuten parte. Besteak beste, 'Dexter' telesaileko Michel C. Hall, 'Corrupción en Miami' telesaileko izarretako bat izan zen Don Johnson, eta Sam Shepard, Elegidos para la gloria filmeko protagonistetako bat, esate baterako.

Bestalde, 30 urte betetzen dituela eta, Emma Stone aktorearen ibilbide profesionala errepasatuko du Felix Linaresek Radiografía de... atalean.

Gainera, Tu canción favorita sekzioa ere ekarriko du. Sobera ezagunak diren hiru abesti proposatuko ditu bertan: Rocky 3 filmeko 'Eye of the tiger', Titanic-eko 'My heart will go on' eta West Side Story filmeko 'America' abestia.

Azkenik, Hedy Lamarren inguruko hainbat bitxikeria aurkeztuko ditu Los archivos secretos atalean. Wi-Fiaren sortzailea omen da.

'La Noche de... Frío en julio' gaur izango da ikusgai, 22:30etik aurrera, ETB2n eta eitb.eus-en.