'Condenados' filma estreinatuko du 'La Noche de...' saioak gaur gauean

Gaurko 'La Noche de...' saioak Condenados filma estreinatuko du. Benetako gertaeretan oinarrituta, ikara eragiten duen gertaera batean oinarritzen da thrillerra: 1993an Memphisen gertatutako hilketa bat du abiapuntu, bertan hiru gazte kondenatuak izan ziren zortzi urteko hiru haur hiltzeagatik. Mundu guztia hunkitzea lortu zuen gertaera haren harira lau dokumental eta pelikula bat egin dira. Asteartean estreinatuko den filmean Oscar saria irabazia duten bi aktore ikusteko aukera izango da: Colin Firth eta Reese Whiterspoon.

Gainera, saioak La mochila de... atala ekarriko du Chris Hemsworthi buruz hitz egiteko, eta bere dietak zeresan handia emango du. Beganoa egitea erabaki zuenetik, bere muskuluak mantentzeko babarrun asko jaten ditu proteina kantitate handia dutelako, eta bere hitzetan, 'gaseoso samarra bihurtu da'.

Adivina quién es tartean Felix Linaresek bi adibide oso dibertigarri aurkeztuko dizkigu. Lehenengoa famatu egin zen Rockaren Erregea, Elvis Presley, interpretatzeagatik Elvis: la película filmean. Bigarren aktore ezezaguna, break-dance-a egiten ere egin zitekeen famatu.

Saioa amaitzeko, CSI Hollywood sekzioa izango da ikusgai Tyrone Power aktorearen heriotza ikertzeko. Hollywood klasikoko aktorea baldintza arraroetan hil zen Madrilen, film bat grabatzen ari zela, oraindik ere bere pertsonaiaren arropak soinean zituela.

'La Noche de...' saioa astearteetan izaten da ikusgai, 22:30etik aurrera, ETB2n eta eitb.eus-en.