Binakako pilota Txapelketa, zuzenean Bergaratik, ostiral honetan

Ostiralean, hilak 4, 22:00etan, Bergarako pilota jaialdia emango dute ETB1ek eta eitb.eus-ek zuzenean. Bertan, Binakako Txapelketako bi partida jokatuko dira.

Lehendabizikoan Arteaga II-Urretabizkaia eta Alberdi-Erasun izango dira aurrez aurre, promozio txapelketako lehen jardunaldiaren barruan. Ondoren, txapelketa nagusiko zazpigarren jardunaldiko norgehiagoka jokatuko da Elezkano II-Rezusta eta Urrutikoetxea-Aretxabaleta artean.