Irati Sarasuak aurkeztuko duen 'Gara, kinka larrian' saioa, gaur gauean, ETB1en

Gaur gauean, 'Gara, kinka larrian' Irati Sarasuak aurkeztuko duen eztabaida-saioa izango da ETB1en eta eitb.eus-en ikusgai, 22:30etik aurrera.

Saioak landuko duen gai nagusia Gara hedabideak jakitera emandako albistea izango da. Hedabideak jakinarazi du 3 milioi eurotik gora ordaindu beharko dizkiola Gizarte Segurantzari Egin egunkariaren zorrengatik. Zigor hori aztertuko dute eztabaida-saioan. Egin egunkari eta irratiaren itxieraren arrazoiak zeintzuk izan ziren jakinik, eta Auzitegi Gorenak hedabidea itxi behar ez zela esan ostean, Garari zigor hori jartzeko argudioak zeintzuk diren jakingo dugu.

Horrez gain, hedabideek bizi duten krisia aztertuko du saioak, eta haien diru-iturriez arituko dira.

'Gara, kinka larrian' gaur izango da ikusgai, 22:30etik aurrera, ETB1en eta eitb.eus-en.