Kirolak zuzenean

Real / Athletic derbia eta Bera Beraren partida, gaur goizean, zuzenean

EiTB

Azken eguneratzea: 2019/02/10 09:01 (UTC+1)

Arratsaldean, Binakako Txapelketako Artola-Mariezkurrena II / Arteaga II-Albisu eta Dario-Ruiz / Peña II-Aranguren partidak eskainiko dira Gasteiztik.

Your browser doesn’t support HTML5 video

Kirol eskaintza zabala dugu gaurko. Hasteko, 11:30ean, ETB1en, Iberdrola Ligako derbia Anoetatik zuzenean: Real Sociedad / Athletic Club.

13:30ean hasita, EHF Kopako SCM Craiova / Super Amara Bera Bera norgehiagoka izango dugu ikusgai ETB4n eta eitb.eus-en, zuzenean.

17:00etan, ohi denez, zuzeneko pilota emankizuna izango dugu. Gasteizko Ogueta pilotalekuan izango dira oraingo honetan Euskal Telebistako kamerak. Hiru partida jokatuko dira: Retegi Bi-Untoria / Mendizabal III-Erostarbe, Binakako Txapelketako Artola-Mariezkurrena II / Arteaga II-Albisu eta Promozio Txapelketako Dario-Ruiz / Peña II-Aranguren.

Arratsaldeko lauretako herri kirolen tartean, hilaren 2an Ibarran jokatutako 640 kiloko sokatira finalak izango ditugu ikusgai. Goizeko 11etan, berriz, hilaren 5ean Beasainen jokatutako Urrezko Aizkolarien Binakako Txapelketako jardunaldia.