Etxaniz getariarra izango da 'El Conquis' eztabaida-saioko gaurko gonbidatua

Etxaniz izango dute gaur gauean ohorezko gonbidatu 'El Conquis del Pacífico' eztabaida-saioan. Bere kanporaketaren ondorioz, talde berdeak lehiakiderik sinpatikoena galdu du. Erretegian lanean iaioa den getariarrak dueluan zergatik huts egin duen kontatuko die conquistologoei eta, horrez gain, bere taldean sumatzen den sexu arteko borrokaren inguruan azalpenak emango ditu. Etxanizek bi sorpresa izango ditu etxera itzultzean: lehenik, aireportuan ez du inor zain izango eta, bigarrenik, lagun guztiak Getarian izango ditu sorpresa handia prestatu diotelako.

Aste honetako saioan, Ibai kanpamentura triste eta bakarrik itzultzen ikusiko dugu bere taldekideak duelua galdu ondoren. Haatik, Gorka eta Eneko poz-pozik agertuko dira txabolara garaipenaren berri ematera. Orobat, datorren asteko atalaren aurrerapenak eskainiko ditu 'El Conquis'ek, eta abenturaren unerik onenak errepasatuko dituzte ohiko adituekin eta edizio honetan kanporatutako lehiakideekin.

Ainhoak eta Txurruk Gazteako txokotik gaua animatuko dute eta Humbertok, berriz, beste pertsonai bat hezurmamituko du.

'El Conquis del Pacífico' asteazkenetan izaten da ikusgai, 'Eguraldia' tartearen ondoren, 22:30ak aldera, ETB2n eta eitb.eus-en.