Txapeldunen Liga
Tottenham-Real Madril, asteazkenean ETB-1en eta eitb.com-en
A.E.
EITB
Shalke 04 eta Inter Milan taldeen arteko partidaren laburpena ere izango da ikusgai.
Asteazken honetan Txapeldunen Ligari egingo dio tartea Euskal Telebistaren lehen kateak eta eitb.com-ek 20:15ean hasita. Txemi Galarragak aurkeztutako jardunaldiaren atariko guztiaren ondoren, Tottenham eta Real Madril taldeen arteko itzulerako final laurdenetako partida emango da zuzenean White Hart Lane futbol zelaitik 20:40ean. Naxari Altunak, Juanan Legorburuk eta Xabier Azkargortak egingo dute partidaren kontaketa.
Neurketaren ondoren, berriz, Shalke 04-Inter Milan Txapeldunen Ligako asteazken honetako beste partidaren laburpena eskainiko da.