Patri, Nagore eta Gorka 'El Conquis'en izango dira gaur, bateratze fasearen atarian

'El Conquis' eztabaida-saioak Patri eta Nagore talde berdearen kapitainak hartuko ditu gonbidatu. Abenturan oso ondo hasi zirela esango dute, baina azkeneko asteetan, bizikidetza arazoak izan dituztela aitortuko dute, gehienbat Maiderren jarreraren ondorioz. Ikusiko dugu nola izan diren talde berdearen lehen orduak kapitainik gabe.

Horrez gain, Gorkak duelua galdu zuen Caballoren kontra eta Panama utzi behar izan zuen etsita. Abenturan izandako ibilbidea errepasatuko du Patxi Alonso eta conquistologoen galderei erantzunez. Gainera, Leti Sanek Gorkaren kanporaketa jakin ondoren izan zuen erantzuna ikusiko dugu.

Baina sorpresak ere izango ditugu. Seletak abentura hasi zuenetik hartu beharko duen erabaki gogorrenari aurre egingo dio. Gaurko 'El Conquis'en jakingo dugu erabaki hori zertan datzan.

Patrik, Nagorek eta Gorkak aurrez aurre izango dituzte conqustologoak eta haien iritzi eta epai zorrotzak. Bestalde, Ainhoak eta Txurruk Gazteako gunetik girotuko dute saioa eta Humberto Gutierrezek beste imitazio dibertigarri batekin harrituko gaitu.

'El Conquis' asteazkenetan izaten da ikusgai, 22:30ean, ETB2n eta eitb.eus-en.