Kirolak
Banakako Promozio Txapelketako finala, Dario vs Elordi, gaur, zuzenean, EiTBn
EiTB
Italiako Giroko 14. etapak eta Emakumeen Birako azken etaparen laburpenak osatuko dute larunbateko kirol eskaintza.
Elordi, Etxebarriarekin.
Larunbat honetan, Iruñeko Labrit pilotalekuan jokatuko den Banakako Promozio Txapelketako finala, Dario vs Elordi, eskainiko dute ETB1ek eta eitb.eus-ek. Jaialdia 18:00etan hasiko da Bengoetxea VI - Imaz vs Jaka - Rezusta norgehiagokarekin. Josetxo Lizartzak, Jokin Errastik eta Ibon Gaztañazpik egingo dute kontakizuna.
Aurrez, Italiako Giroko 14. etapa izango dugu ikusgai (13:30 ETB4 - 15:00 ETB1 - osorik eitb.eus-en). Jardunaldi laburra izango da larunbatekoa. Verrayes, Verrogne, Truc d'Arbe (Combes) eta Colle San Carlo mendateak igoko dituzte Courmayeurreko azken igoera egin baino lehen. Fermin Aramendik, Alfontso Arroiok, Xabier Usabiagak eta Alessandro Rutak egingo dute kontakizuna.
21:00etan Emakumeen Birako azken etaparen laburpena eskainiko da ETB1en eta eitb.eus-en.