22:30ean
'Black Mass: estrictamente criminal' pelikula, gaur gauean, 'La Noche De...' saioan
EiTB
Saioak Halle Berry aktorearen ibilbidea errepasatuko du, 'Game of Thrones' telesailaren filmazioaren hanka-sartzeak eskainiko ditu eta David Carradine aktorearen heriotzaren baldintzak aztertuko ditu.
'Black Mass: estrictamente criminal' filmeko irudia
Gaur gauean, 'La Noche de...' saioak Black Mass: estrictamente criminal pelikula eskainiko du, Hames Joseph Whitey Bulger Ameriketako Estatu Batuetan egon den kriminalik arriskutsuenaren benetako istorioan oinarritutako filma. Johnny Deep aktoreak egiten du Jimmy Bulgerren papera, eta hauek ikusiko ditugu horrekin batera: Joel Edgerton, Benedict Cumberbatch, Dakota Johnson eta Kevin Bacon. Felix Linaresek filmazioaren datu guztiak emango ditu emanaldiaren aurretik.
Saioak, gainera, Halle Berry aktorearen inguruko erreportajea eskainiko du, aktorearen ibilbide profesionala eta pertsonala errepasatuz.
Horrez gain, 'Game of Thrones' telesailaren filmazioaren hanka-sartze dibertigarrienak erakutsiko ditu saioak, eta, amaitzeko, David Carradine aktorearen heriotza inguratu zuten ezohiko baldintzak gogoratuko ditu saioak, haren heriotzaren hamargarren urteurrenean.
'La Noche de... Black Mass: estrictamente criminal' gaur izango da ikusgai, 22:30ean, ETB2n eta eitb.eus-en.