Frantziako Tourra eta San Fermin Torneoa, gaur, ETB1en eta eitb.eus-en

Gaur, zuzeneko bi kirol emanaldi izango ditugu ETB1en eta eitb.eus-en. Hasteko, Frantziako Tourreko 6. etapa, Mulhousen hasi eta 160,5 km egin ostean La Planche des Belles Filles gainean amaituko dena. Tartean, lehen mailako beste bi mendate, eta bigarren eta hirugarren mailako bina mendate gainditu beharko dituzte txirrindulariek. Fermin Aramendik, Xabier Usabiagak eta Pedro Mari Goikoetxeak egingo dute kontakizuna 14:30ean ETB4n hasita eta 15:00etatik aurrera ETB1en.

22:15ean pilotaz gozatu ahal izango dugu Iruñetik. San Fermin Torneoko Olaizola II-Albisu / Bengoetxea VI-Imaz norgehiagokarekin batera, beste bi partida jokatuko dira: Elordi-Etxebarria / Alberdi-Etchegoin eta Jaka-Untoria / Victor-Larunbe. Josetxo Lizartza, Jokin Errasti eta Elena Azpeitia izango dira esatariak.