'La Noche De...' saioak 'Vacaciones' komedia eskainiko du gaur gauean

'La Noche de...' saioak Vacaciones komedia eskainiko du gaur gauean. Ed Helms eta Christina Applegate protagonista dituen filma 1983an Las locas vacaciones de una familia americana filmarekin abiatu zen film-sortako atala da.

Halaber, Felix Linaresek aurkezten duen saioak La pareja más guapa del mundo tartea eskainiko du. Jennifer López aktore eta abeslaria eta horren senarra, Alex Rodríguez beisbol jokalari ohia, izango dituzte bertan protagonista.

Bestalde, Si lo sé, no vengo atalean, Quentin Tarantinok Mendi Harritsuetan pelikula bat filmatzen bizi izandako infernuaren berri emango dute, eta, bukatzeko, duela 37 urte Hollywoodeko filmazio batean hiru hildako utzi zituen istripuaren berri emango dute CSI: Hollywood tartean.

'La Noche de...' astearteetan izaten da ikusgai, 22:30ean, ETB2n eta eitb.eus-en.