Edurne eta Zeledon Txikiren jaitsiera zuzenean, gaur, ETB1en eta eitb.eus-en

Gaur, lehendabiziko aldiz, Edurne eta Zeledon Txikiren jaitsiera eskainiko dute ETB1ek eta eitb.eus-ek, 11:45ean hasita. Ilaski Serranok aurkeztuko du emanaldia Andre Maria Zuriaren plazatik zuzenean, eta Paula Rubio eta Gonzalo Aranegi izango dira aurten Edurne eta Zeledon Txiki protagonistak.

Ilaskirekin batera, Ane Pedruzo kazetariak emango du jaitsieraren berri. Horrez gain, hainbat gonbidatu elkarrizketatuko dituzte: Endika Saez de Adana, 1998, 1999 eta 2000. urteetako Zeledon Txiki; Izarraitz Zulueta, 2013ko Neska Txiki; eta Jesus Prieto antropologoa eta Bereziak kuadrillako kidea.