Kirolak
Arrauna eta pilota, gaur, zuzenean, ETB1en eta eitb.eus-en
EiTB
Goizean, play off-etako bigarren jardunaldia eta El Corte Inglés Bandera eskainiko dira Portugaletetik; arratsaldean, Baños de Rio Tobiako pilota jaialdia.
Arrauna zuzenean EiTBn
Arraunarekin hasiko da gaurko kirol eskaintza, 11:30ean, ETB1en eta eitb.eus-en. Portugaleten jokatuko da denboraldiko azken estropada: El Corte Inglés Bandera. Aurretik, play off-etako bigarren jardunaldia jokatuko dute Euskotren eta Eusko Label ligetako traineruek.
17:00etan, pilota izango dugu Errioxako Baños de Rio Tobia herritik. Bi partida jokatuko dira: Dario-Ruiz / Zabala-Untoria eta Elezkano II-Zabaleta / Altuna III-Rezusta.
Pilotaren aurretik, 15:40ean, bezperan Axpe Atxondon jokatutako Euskal Herriko Artzain Txakur Txapelketa eskainiko da.