'En lucha incierta' pelikularen estreinaldia, gaur gauean, 'La Noche de...'n

Gaur gauean, 'La Noche de...'k En lucha incierta pelikularen estreinaldia eskainiko du. John Steinbeck idazle ospetsuaren izen bereko eleberrian oinarritutako filma da, eta James Franco, Robert Duvall, Selena Gómez, Vincent D'Onofrio, Ed Harris eta Josh Hutcherson aktoreak ditu protagonista.

Lur-jabe dirudunen kontra altxatuko den langile talde baten historia da. Haien lan baldintza traketsak hobetzeko borrokan, grebara joango dira. Nagusien aldetik jasango duten errepresio bortitzak gerrara eramango ditu. Felix Linaresek filmazioaren eta aktore zerrendaren datu guztiak emango ditu.

Bestalde, Karra Elejalde aktorea protagonista hartuko du saioak. Era ezberdinetako pertsonaiak egin ditu bere ibilbidean zehar, eta horretarako itxura aldaketa ikusgarriak izan ditu. Las transformaciones de Karra Elejalde atalean ezagutuko ditugu.

Halaber, Malditos bastardos Brad Piit aktorearen eta Quentin Tarantino zinegilearen pelikula ospetsua estreinatu zenetik hamar urte bete direnean, filmean kontatzen den istorioa benetako gertakarietan oinarrituta dagoela azalduko du La historia segun Hollywood atalak.

Amaitzeko, La conquista de Hispania atalak Hollywooden asmatu duten pertsonaia bat aurkeztuko digu: Andaluziako toreatzaile ninja bat.

'La Noche de... En lucha incierta' gaur izango da ikusgai 22:30ean ETB2n eta eitb.eus-en.