Boxeoa, futbola eta pilota, gaur, zuzenean, EiTBn

Futbolarekin hasiko da gaurko kirol eskaintza ETB1en eta eitb.eus-en: Bigarren B Mailako Real Union vs Arenas Club partida izango da ikusgai 16:00etan. 

17:45ean, Logroñoko Adarraga pilotalekuarekin bat eginez, Domus Dei desafioko hiru norgehiagoka eskainiko dira: Zabala vs Urretabizkaia II (buruz buru), Elezkano II-Galarza / Laso-Mariezkurrena II (binaka) eta Dario vs Agirre (4 ½-an). 

Azkenik, 21:30etik aurrera boxeo emanaldia izango dugu Bilbao Arenatik. Bertan, Kerman Lejarragaren eta David Avanesyanen arteko errebantxa jokatuko da, welter pisuko Europako titulua irabazteko.