22:15ean
'360º' saio berezia, gaur gauean, Bartzelonatik zuzenean
EiTB
Eider Hurtado eta ETB2ko saioaren lan-talde osoa bertan izango da, asteak Katalunian eman duena aztertzeko.
Eider Hurtado Bartzelonan. EiTBren bideo batetik hartutako irudia
'360º' saio berezia izango dugu ikusgai gaur ETB2n eta eitb.eus-en Kataluniako prozesuaren inguruan. Auzitegi Gorenaren epai historikoa ezagutu eta sei egunera, Bartzelonako kaleetan izango dira Eider Hurtado eta lan-talde osoa, asteak eman duena aztertzeko.
Zuzeneko elkarrizketak egingo ditu Eider Hurtadok kalean ezarritako set berezitik, herritar ezberdinak biltzeko. Gonbidatuen artean, besteak beste, Artur Mas Generalitateko presidente ohia izango du. Eta hiriburuko kaleetatik azken orduaren berri emango digute saioko erreportariek.
'360º: Catalunya en la calle' saio berezia, Bartzelonatik zuzenean, 22:15ean, ETB2n eta eitb.eus-en.