'Yo, Tonya' filmaren estreinaldia dakarkigu 'La Noche de…'k gaur gauean

Tonya Harding patinatzaile estatubatuarraren historia kontatzen duen Yo, Tonya pelikula estreinatuko du 'La Noche de...' saioak gaur. Horren aurretik, kirolariaren historia kontatu eta filmaren inguruko xehetasunak emango dizkigu Felix Linaresek. 

Datorren ostiralean zinema aretoetan estreinatuko den El silencio de la ciudad blanca pelikulaz ere mintzatuko zaigu Linares. EiTBren parte-hartzea duen filma Daniel Calparsorok zuzendu du, eta Gasteiz du eszenatoki. Belen Rueda da protagonista nagusietako bat, eta haren inguruko erreportajea izango dugu ikusgai. 

Línea caliente eta Leyendas urbanas atalekin osatuko da aste honetako saioa. Lehendabizikoak aldaketa klimatikoa izango du ardatz; bigarrenak, berriz, Richard Gere aktorearen hamsterraren istorioa kontatuko digu. 

'La Noche de... Yo Tonya' gaur gauean izango da ikusgai, 22:30ean, ETB2n eta eitb.eus-en.