Helsinkin izango da 'Vascos por el Mundo' saioa, gaur gauean

'Vascos por el Mundo' saioaren gaurko atalean, Nahiara Gago kazetariak Helsinki ezagutuko du bertan bizi diren Koldo, Saioa, Estibaliz, Lourdes, Raimo eta Jorge euskaldunek gidatuta.

Gainera, Finlandiako beste hiri batzuk bisitatuko ditu, horien artean, Turku, herrialdeko presidenteak oporrak igarotzen dituen tokia, eta Kotka, bigarren porturik garrantzitsuena.

Zenbait paraje basati eta laku ospetsuetan barrena ere ibiliko dira.

'Vascos por el Mundo', 22:30ean, ETB2n eta eitb.eus-en.