A10
Hauteskunde eztabaida ETB1en eta eitb.eus-en, gaur, 22:00etan
EiTB
EAJ/PNV, PSE-EE, Elkarrekin Podemos, EH Bildu eta PPko ordezkariek hartuko dute parte Amaia Cayerok gidatuko duen eztabaidan.
Your browser doesn’t support HTML5 video
Gaur, ETB1ek eta eitb.eus-ek hauteskunde eztabaida eskainiko dute zuzenean, 22:00etan. Amaia Cayero kazetariak gidatuko duen debatean honako hauek hartuko dute parte: EAJko Joseba Agirretxeak, PSE-EEko Maria Luisa Garcia Gurrutxagak, Elkarrekin Podemoseko Miren Gorrotxategik, EH Bilduko Mertxe Aizpuruak eta PPko Laura Garridok.
Hauteskunde errepikapenak eta blokeo egoerak baldintzatutako debate honetan, gobernagarritasuna izango da muinetako bat, baina ez bakarra. Besteak beste, estatu eredua eta erronka ekonomiko eta sozialei aurre egiteko alderdi bakoitzaren programa aztertuko dute. Gainera, beste alderdiei entzundako proposamenetatik zerk eragiten dien kezka azalduko dute hautagaiek. Alderdiek euren jarrerak argitu eta eztabaidarako tartea zabalduko dute.