Euskalgym 2019, Lau T'erdiko finala eta Cocks vs Bidasoa Irun partida, gaur, EiTBn

Iruñeko Navarra Arenan jokatuko den Lau T'erdiko Txapelketako finala izango dugu igandeko kirol hitzordu nagusia.

17:00etan hasiko da pilota emankizuna ETB1en eta eitb.eus-en Irribarria-Martija / Artola-Imaz norgehiagokarekin eta jarraian hasiko da partida nagusia, Ezkurdia vs Altuna III. Xabier Euzkitze, Abel Barriola, Elena Azpeitia eta Ane Muruamendiazen artean egingo dute kontakizuna, eta finala amaitutakoan, Pedro Mari Goikoetxeak solasaldia gidatuko du Abel Barriola, Mikel Idoate eta Juan Mari Juaristirekin, partidak eman duen aztertzeko. 

12:00etan, Euskalgym 2019 jaialdiaz gozatzeko aukera izango dugu. Pedro Mari Goikoetxeak, Espe Rodriguez adituaren laguntzaz, bezperan BECen izandako ikuskizunaren nondik norakoak ekarriko dizkigu. Momentuko gimnastarik onenak eta euskal taldeetako ordezkariak bilduko dira bertan. 

Bestalde, 18:00etan, ETB4n eta eitb.eus-en, eskubaloia izango dugu. EHFko Cocks vs Bidasoa Irun norgehiagokaren kontakizuna egingo dute Jon Ander Gorospek eta Asier Zubiriak. 

ETB1en eta eitb.eus-en jarraitu ahal izango ditugun herri kiroletako bi emanaldik osatuko dute igandeko kirol eskaintza: hilaren 1ean Usurbilen jokatutako 1.800 kiloko harriarekin gizon-proba berezia, 11:00etan, eta Albizuri Handi Harri Txapelketa, 16:00etan.