Kirol emanaldiak
Boxeoa, herri kirolak, igeriketa eta pilota, asteburuan
EiTB
Jon Fernandezen konbatea, Binakako Erremonte Txapelketako eta Emakume Master Laboral Kutxa ETBko finalak, eta Eskuz Binakako Txapelketa ikusgai, besteak beste.
EiTB Kirolak.
Gaur, larunbata, zuzeneko hiru kirol emanaldi izango ditugu ETB1en eta eitb.eus-en. Hasteko, 15:45etan, Binakako Erremonte Txapelketako finala Hernaniko Galarreta pilotalekutik. Segidan, 18:00etan, esku pilota Iruñetik, Arretxe II-Etchegoin vs Bakaikoa-Erasun eta Ezkurdia-Martija vs Laso-Albisu (Binakako Txapelketa) partidekin. 23:00etan, Jon Fernandezen borrokaldiaz gozatu ahal izango dugu Bilboko La Casilla pabilioitik. Abderrazak Houya frantziarraren kontra jokatuko du.
Horrez gain, ETB4n eta eitb.eus-en, 13:30ean, bezperan Berritxun jokatutako Lopez vs. Aimar banakako zesta punta finala izango da ikusgai.
Igandean ere zuzeneko hiru emankizun izango ditugu: 12:00etan, Emakume Master Laboral Kutxa ETBko finalak Barakaldotik; 17:00etan, Agirre-Larunbe vs Victor-Ibai Zabala eta Irribarria-Rezusta / Olaizola II-Urrutikoetxea (Binakako Txapelketa) partidak Bilbotik, eta 18:30ean (ETB4n), igeriketako Gabonetako Nazioarteko Sari Nagusia Ordiziatik.
Horrez gain, 16:00etan, Urrezko Aizkolarien Kopako finalerdiak izango dira ikusgai.