Kirolak
Aizkolariak eta pilota, gaur, ETB1en eta eitb.eus-en
EiTB
Goizean Binakako Aizkolari Txapelketako jardunaldia eskainiko da eta arratsaldean Eibarko Astelenako jaialdia, Binakako Pilota Txapelketako bi partidekin.
Aizkolari emanaldia. EiTBren bideo batetik hartutako irudia
Gaurko egunez, bi kirol emanaldi izango ditugu ETB1en eta eitb.eus-en.
Hasteko, 12:00etan, bezperan Deban jokatutako Binakako Aizkolari Txapelketako jardunaldia izango dugu ikusgai: Vicente eta Mujika, Saralegi eta Otañoren aurka.
17:00etan, berriz, pilota jaialdiaz gozatu ahal izango dugu Eibarko Astelenatik zuzenean. Lehendabizi, Binakako Promozio Txapelketako Agirre-Eskiroz vs Elordi-O. Etxebarria partida jokatuko da eta jarraian lehen mailako Olaizola II-Urrutikoetxea vs Ezkurdia-Martija. Hirugarren norgehiagoka Elezkano II-Garmendia eta P. Etxeberria-Bikuña artekoa izango da.