Kirolak
Atletismoa, futbola, herri kirolak eta pilota, asteburuan ETBn
EiTB
Italicako Nazioarteko Krosa, Leioa vs Izarra partida, Binakako Urrezko Aizkolarien Txapelketa eta Emakumezkoen Banakakoa, eta Binakako Pilota Txapelketako 9. jardunaldiko zenbait norgehiagoka.
Binakako Txapelketako partida. EiTBren bideo batetik hartutako irudia
Futbolak zabalduko du larunbateko kirol eskaintza ETB1en eta eitb.eus-en, 16:00etan: Leioa vs Izarra Bigarren B Mailako norgehiagoka izango dugu ikusgai. Segidan, pilotaren txanda izango da, bi partida eskainiko baitira Mungiatik: Promozioko Binakako Txapelketako Elordi-O. Etxebarria vs Egiguren V-Erostarbe eta EPELen Binakako Txapelketako Olaizola II-Urrutikoetxea vs Artola-Imaz.
Igandeko lehen kirol hitzorduak Sevillara eramango gaitu: Italicako Nazioarteko Krosa zuzenean ikusteko aukera izango dugu 13:30etik aurrera.
16:00etan, herri kirolen tartean, goizean Aian jokatutako jardunaldia eskainiko da:
Urrezko Binakako Aizkolari Txapelketa: Mugertza II-Txikia IV vs Saralegi-Otaño.
Emakumezkoen Urrezko Banakako Aizkolari Txapelketa: Sorondo vs Astondoa.
Urrezko Harri-jasotzaile Txapelketa: Eiza vs Peña.
Azkenik, pilota izango dugu, zuzenean, Eibarko Astelenatik. Hiru partida hauek jokatuko dira: Elezkano II-Bikuña vs P. Etxeberria-Dario-Tolosa, Jaka-Zabaleta vs Altuna III-Galarza (Binakako Txapelketa) eta Zabala-Ruiz vs Salaberria-Garmendia (Binakako Promozio Txapelketa).