Gaur gauean
Elenek Miramonen itxiko du "El Conquis del Caribe"ren asterik bereziena
EiTB
Bilbotarrak bere izendapena, talde berdearen giroa eta Santxoren aurkako duelua izango ditu hizpide eztabaida-saioan. 22:15ean, ETB2n eta eitb.eus-en.
Elen, talde berdeko lehiakidea. Argazkia: EiTB
"Conquis" astea gaur gauean bukatuko da Elen protagonista nagusi izango duen eztabaida-saio berezian. Bilbotarra izan da taldekako fasearen lehen kanporatua, eta bere izendapenaren inguruko sekretuak ez ezik, Maja taldean dagoen giro txarra ere izango du hizpide. Aurretik ikusi ez diren hainbat irudi izango dira ikusgai: Santxo kanpamentura bueltatzen, Martina bere taldekideengana itzultzen, Gotzonek eta gorriek kanpamentu txiroan izandako lehen egun gorabeheratsua, eta Eneko eta bere taldekideak garaipena ospatzen. Elen eta conquistologoekin batera, bosgarren atalaren aurrerapenak aztertuko ditugu: sua lortzeko borroka egin beharko dute, eta ziztadak eta "etxeko" ezbeharrak lehiakiderik ahulenak are gehiago ahultzeko arriskuan egongo dira.
Aste honetan, Juanito Oiarzabal, Eider Alonso, David Seco, Isa Landa, Ianire, Isma, Caballo, Luisito, Silbia, Vane eta Gorka izango dira saioan. Ainhoak eta Txurruk sare sozialen inguruko informazioa emango digute eta giroa alaituko dute musikarekin Gaztearen txokotik, eta Humbertok bere pertsonaiaren batekin harrituko gaitu.
"El Conquis del Caribe" asteazkenero izaten da ikusgai, "Eguraldia"ren ostean, 22:15 aldera, ETB2n eta eitb.eus-en. Gainera, eztabaida-saioaren atal guztiak EiTB nahieran atarian ikus daitezke.