Kirolak
Eskubaloia, futbola, herri kirolak eta pilota, asteburuan
EiTB
Bidasoa Irun vs Orlen Wisla Plock eta Alavés B vs Real Sociedad B partidak, Banakako Pala Txapelketako finala eta Eskuz Binakako Txapelketako play-offetako norgehiagokak ikusgai, besteak beste.
Binakako Txapelketako play-offetako partidak, asteburuan. Argazkia: EiTB
Larunbatean, 16:00etan jokatuko den EHF Txapeldunen Ligako Bidasoa Irun vs Orlen Wisla Plock eskubaloi partidak zabalduko du asteburuko kirol eskaintza ETB1en eta eitb.eus-en.
Hori amaitutakoan, 17:30ean, pilota izango dugu zuzenean, Iruñetik. Arretxe II-Iturriaga vs Alberdi-Erasun eta Olaizola II-Urrutikoetxea vs Artola-Imaz Binakako Txapelketako neurketak jokatuko dira bertan.
Igandean, beste bi zuzeneko emanaldi izango ditugu: 12:00etan, Alavés B vs Real Sociedad B futbol neurketa, eta, 17:00etan, pilota, Eibarko Astelenatik. P. Etxeberria-Rezusta vs Egiguren V-Zabaleta norgehiagokarekin hasiko da jaialdia, eta, ondoren, Binakako Txapelketako bi partida jokatuko dira: Altuna III-L. Galarza vs Laso-Albisu (lehen mailakoa) eta Agirre-Eskiroz vs Peña II-Aranguren (promozio mailakoa).
Horrez gain, ostiralean Bizkaia Arenan jokatutako Banakako Pala Txapelketako bi neurketa izango ditugu ikusgai igandean, 13:00etan, ETB4n eta eitb.eus-en: Ibargarai vs Gaubeka (finala) eta Fusto vs Necol (3. eta 4. postua erabakitzeko).
Bi emanaldi hauekin osatuko da asteburuko kirol programazioa: Lezamako pilota torneoko finalak (larunbatean, 13:00etan, ETB4n eta eitb.eus-en) eta Europako goma gaineko sokatira txapelketa (igandean, 16:00etan, ETB1en eta eitb.eus-en).