21:00etan
"Bizkaiko Dantzari Eguna Gogoratuz" saio berezia, gaur gauean, ETB1en
EiTB
Zamudion ospatzekoa zen eta bertan behera geratu den jaiaren omenez, 2016an Lekeition eta 2018an Bilbon egindako Dantzari Eguneko irudi bilduma eskainiko da.
"Kaxarranka" dantza, 2018ko Bizkaiko Dantzari Egunean
Gaur, "Bizkaiko Dantzari Eguna Gogoratuz" saio berezia izango dugu ikusgai ETB1en eta eitb.eus-en, 21:00etan. Egun horretan Zamudion ospatzekoa zen aurtengo Dantzari Eguna bertan behera geratu denez, aurreko urteetako irudiekin gozatu ahal izango dute dantza maite dutenek.
2016. urtean Lekeition eta 2018. urtean Bilbon izandako topaketetako emanaldiak eskainiko dira. Halaber, Jose Mari Oiarzabal Bizkaiko Dantzarien Biltzarreko presidentearen hitzak entzungo dira saioan, Bizkaiko Dantzari Eguna bertan behera geratzearen arrazoiak emanez eta dantzari guztiei animoak ematen. Honekin batera, bi dantzarik "Kontrapasa" dantza eskainiko dute egoera berezi honetan senitartekoren bat galdu eta lanean diharduten pertsonei eskainita.
21:00etan, "Herri Txiki, Infernu Handi" saioaren aurretik, eskainiko da dantza saioa ETB1en eta eitb.eus-en.