Trabzonspor-Athletic, zuzenean, ETB-1 eta eitb.com-en

Ostegun honetan, Athletic-ek Trabzonspor talde turkiarraren kontra jokatuko duen partida eskainiko du Euskal Telebistak zuzenean arratsaldeko 20:30etik aurrera ETB-1 eta eitb.com-en bidez. San Mamesen hutseko berdinketa lortu ondoren, gogor lehiatu beharko du talde bilbotarrak itzulerako partida Istambulen. Europa Leagueko taldeko faserako pasea jokoan dute zurigorriek.

Hitzordu honek ikusmin handia piztu du euskal ikus-entzulegoaren artean. Pasa den astean, Euskal Telebistak eskainitako joaneko partida bataz besteko 132.000 pertsonek jarraitu zuten; %23ko audientzia zatiarekin, eguneko saiorik ikusiena izan zen Euskadin.

20:15ean, partidaren aurreko informazio osoa eskainiko duen atariko saio berezi bat aurkeztuko du Txemi Galarragak ETB-1en eta aurkezlearekin batera, Lutxo Iturrino eta Jorge Cerrato komentaristek egingo dute norgehiagokaren gaineko kontakizuna.