ETB-1 eta ETB-2n
Klaudio Landak Ondarreta hondartza erakutsiko du 'Kresala'n
A.H.
EITB
Horrez gain, Virginia Berasategik urrian parte hartuko duen Ironman probaz arituko dira.
Klaudio Landa. Argazkia: EITB
Aste honetako 'Kresala' saioa Klaudio Landa ETBko aurkezle ezagunarekin egongo da eta berarekin Donostiako Ondarreta hondartza ezagutuko dute. Bide batez, hiriko bere txokorik gustukoenak erakutsiko ditu.
Horrez gain, Virginia Berasategi triatletarekin izango dira. Urrian Hawaiin jokatuko den Ironman proban parte hartuko du kirolariak eta bere entrenamendu gogorretan eta probaren aurreko prestaketan izan dira 'Kresala'ko kameralariak.
Amaitzeko, Euskadiko Basque Team Fundazioaren egoitza ezagutuko dute eta piraguista talde batekin ibiliko dira ariketa fisikoak egiten.
'Kresala' astearte honetan emitituko da 22:30etik aurrera ETB-1en eta igandean 09:15ean ETB-2n.