Gaur, 22:30ean
Abenturako azken hiru kanporatuak eta final handiaren aurrerapena, "El Conquis"en
EiTB
Saioak, gainera, Manu eta Seleta izango ditu gonbidatu. Bi kapitainek aurrez aurre topatuko dituzte Patxi eta Adri lehiakideak.
Nekane, Idoia eta Kali, abenturako azken hiru kanporatuak. Argazkia: EiTB
Gaurko "El Conquis" solasaldia gai eta gonbidatu ezberdinekin dator. Hasteko, abenturako azken hiru kanporatuak izango dituzte; Kalik eta Idoiak lasaitasunez onartu zuten dueluko porrota, eta Isma sailkatu zen final handirako.
Nekane ere Miramongo platoan izango da. Lesionatu ostean izan duen jarrerak mota guztietako iritziak sortu ditu gainerako lehiakideen artean, eta kritika guztiei erantzuteko asmoz etorriko da.
Isma kanpamentura itzuli zenean gainerako finalistek nola hartu zuten ere ikusiko dugu. Gainera, Los Haitisesen egingo duten azken afaria eta finalaren aurreko irudiak ikusiko ditugu.
Horrez gain, Manu Maritxalar eta Seleta kapitainak hartuko dituzte gonbidatu "El Conquis"en. Kapitainek abenturan utzitako bi biktimak izango dituzte aurrez aurre, Manu Patxirekin topatuko da eta Seleta Adrirekin.
"El Conquis" gaur izango da ikusgai, 22:30ean, ETB2n eta eitb.eus-en.