Erremonteko finalerdiak eta Zaldibar eta Iruñeko pilota jaialdiak, asteburuan, EiTBn

Larunbatean, Galarretako erremonte txapelketako finalerdiak izango ditugu ikusgai, 15:15etik aurrera, ETB1en eta eitb.eus-en: Urriza-Zubiri / Ansa-Larrañaga eta Goikoetxea-Barrenetxea / Jaunarena-Endika. 

Esku pilotari dagokionez, bi hitzordu izango ditugu asteburu honetan: larunbatean, 22:15ean, Zaldibartik egingo da emankizuna eta igandean, 17:00etan, Iruñeko Labritetik. Partidak hauek jokatuko dira: larunbatean, Elordi-Zabala / Arteaga-O. Etxebarria eta Laso-Irribarria / Peña II-Martija; igandean, Bakaikoa-Mariezkurrena / P. Etxeberria-Erostarbe eta Olaizola II-Zabaleta / Artola-Rezusta. Neurketa nagusiak CaixaBank Mastersekoak izango dira. 

Azkenik, igandean, 16:00etan, herri kirolak izango ditugu. Bezperan Larraulen ospatutako jardunaldia eskainiko da: Saralegi vs Mugertza II (Urrezko Banakako Aizkolari Txapelketa), Xabier Peña vs Telleria (Hiru Hamarreko Harri-jasotze Txapelketa) eta Karmele Gisasola (Emakumezkoen Harri-jasotze Txapelketa).