22:30ean
"Pasados por agua" komedia, gaur gauean ETB2n, eta 30 egunez 'nahieran'
EiTB
Saioak, gainera, 'El resplandor' pelikularen filmazio gogorra gogoratuko du eta Arnold Schwarzeneggerren inguruko erreportaje berezia eskainiko du.
'Pasados por Agua' filma. EiTBko bideo batetik ateratako irudia.
ETB2k Pasados por agua komedia entretenigarria eskainiko du gaur gauean.
Adin krisi larria sufritzen duen gizon baten istorioa kontatzen du pelikulak. Egoerak bultzatuta, gizonezkoen igeriketa sinkronizatuko talde bateko kide bihurtuko da, eta, talde horri esker, norabide berria emango dio bere bizitzari.
Oliver Parker zinemagilearen gidaritzapean, Thomas Turgoose, Charlotte Riley, Rupert Garves, Jane Horrocks eta Jim Carter aktoreek egin dute lan filmean.
Pasados por agua 22:30ean izango da ikusgai ETB2n eta, emititu ondoren, 30 egunez izango da ikusgai 'EiTB nahieran' plataforman.