Albistegi berezia
Lehendakariaren kargu hartze ekitaldia, zuzenean, 11:45etik aurrera
EiTB
11:45ean egingo dute bat Gernikako juntetxearekin ETB1ek eta eitb.eus-ek. Euskadi Irratiak, Radio Euskadik eta Radio Vitoriak ere zuzenean emango dute informazio guztia.
Urkulluren zin egitea Gernikan, 2016. EFE
Iñigo Urkullu irailaren 3an izendatu dute lehendakari, eta, gaur egingo du karguaren zina, Gernikako batzar etxean, legebiltzarkideen aurrean. EiTBk jarraipen berezia egingo dio Urkulluren karguaren zinari; saioa zuzenean jarraitu ahal izango da ETB1en, Euskadi Irratian, Radio Euskadin, Radio Vitorian eta eitb.eus-en.
Agintari jeltzaleak karguaren zina egingo du Gernikako arbolaren aurrean, eta ekitaldia zuzenean jarraitu ahalko da ETB1en, 11:45etik aurrera, Iban Garateren analisiarekin.
Taldeko irratiek ere, arreta berezia eskainiko diote ekitaldiari. Euskadi Irratiko "Amarauna" saioak Gernikarekin bat egingo du zuzenean. Unai Urreagak eta Imanol de la Vargak egingo dute goizaren kontakizuna.
Horrez gain, Radio Euskadik eta Radio Vitoriak ekitaldiaren informazio guztia eskainiko dute "Por la sombra" magazinaren baitan, Imanol Manterola eta Maider Martinekin.
Online ere, inbestidura saioa streaming bidez jarraitu ahalko da eitb.eus-en.
Eusko Legebiltzarrak Iñigo Urkullu aukeratu du EAEko lehendakari kargurako, eta buruzagi jeltzaleak hirugarren agintaldiari ekingo dio Eusko Jaurlaritzan.