Kirol eskaintza
Pilota, futbola, herri kirolak eta zaldi jauziak, igandean, ETBn
A.A.
EITB
ETBK Sat-ek Real-Athletic derbiaren laburpena eskainiko du 14:00etan eta ETB-1ek Etxarriko pilota jaialdia 17:00etan, Xala-Zabaleta / Aritz Lasa-Zubieta partida nagusiarekin.
Pilota. Argazkia: EITB
Euskal Telebistaren igande honetako kirol programazioaren lehen hitzordua 14:00etan da: Realak eta Athletic-ek Anoetan jokatuko duten derbiaren laburpena eta prentsaurrekoa eskainiko ditu 14:00etan ETBK Sat-en ikusgai izango den 'Tribuna Gol' saioaren edizio berezi batek. Neurketa horren eta Lehen Mailako gainerako jardunaldiaren ingurukoak ere bilduko ditu arratsaldean 'Gol Festa' saioak (ETB-1, 19:30) eta gaueko 'Tribuna Gol'ek (ETBK Sat, 22:30).
15:30ean zaldi jauzien Xixongo Sari Nagusiari eskainitako emanaldi berezia eskainiko du ETBK Sat-ek eta 16:00etan, herri kirolen asteroko tartean, han hemenka jokatutako idi , aizkolari eta harrijasotzaile proben erreportajeak emango dituzte.
17:00etan, 'ETB Kantxa' saioak Etxarri-Aranatzeko pilota jaialdiarekin egingo du bat. Bigarren Mailako lau eta erdiko partida batekin hasiko da, Ongai-Cecilio, eta ondoren Xala-Zabaleta eta Aritz Lasa-Zubieta bikoteak izango dira nor baino nor.