Masters CaixaBank txapelketako finala Bilbotik, gaur, zuzenean, EiTBn

Hiru kirol emanaldi izango ditugu gaur. Eguna saskibaloi partida batekin hasiko dugu. 12:10ean hasiko da Lointek Gernika eta Embutidos Pajariel taldeen arteko partida, Endesa Ligaren baitan. Xabier de la Fuente eta Aitor Uriondo izango dira zuzeneko kontaketa egitearen arduradunak.

Bazkalostean, 16:00etatik aurrera, futbolaren txanda izango da. Athletic vs Realaren kontra arituko da emakumezkoen Euskal Herria Kopa lortzekotan. Urritxen (Zornotza) jokatuko da partida. Naxari Altuna eta Larraitz Lucasek bi jardunaldien jarraipena egingo dute, zuzenean.

Eguneko azken kirol emanaldia 18:00etan hasiko da. "ETB Kantxa" tarteak Masters CaixaBank txapelketaren finala eskainiko du. Aurretik, Elezkano II eta Bikuña, Agirre eta Aretxabaletaren aurka arituko dira. Ondoren, finalean, Artola eta Rezusta arituko dira ostiralean garaile izango den bikotearen aurka. Partidaren kontaketa Xabier Euzkitze, Abel Barriola eta Elena Azpeitiaren esku egongo da.

Gaurko kirol emanaldi guztiak zuzenean eskainiko dira ETB1en eta eitb.eus-en.