"Guardia Zibila: Estatu bat Estatuaren barruan?", gaur gauean "360º" saioan

Gaurko "360º" saioan, Eider Hurtadok zuzentzen duen kazetari taldeak Guardia Zibilaren barne egiturari buruzko ikerketa bat egingo du, gaur egun talde horrek esku-hartzerik onartzen ez duen, eta arau propioak jarraitzen dituen egiaztatzeko. Carlos Enrique Bayo barne kazetariaren eskutik, bere funtzionamendua ezagutuko dugu.

Jaime Mayor Oreja Barne ministroa izan zen 1996 eta 2001 artean. Bere garaian, torturagatik kondenatutako hiru guardia indultatu zituen. Horietako bati, Sanchez Corbiri, urtebeteko kartzela-zigorra eta sei urteko gaitasungabetzea ezarri zioten, eta duela gutxi Marlaska Barne ministroak Guardia Zibilaren UCOko burua izatearen kargutik kendu zuen.

Guardia Zibilak jendea torturatu duela dokumentatuta dago, baita haien aurrean dagoen zigorgabetasuna ere. Martxelo Otamendi kazetaria, orduan Euskaldunon Egunkariako zuzendaria zena, 2003an torturatu zuten Guardia Zibileko kideek.

ETAk 210 guardia zibil hil zituen eta Guardia Zibilak ere gerra hartan parte hartu zuen. Rafael Verak, Estatuko Segurtasun idazkari ohiak, eta Felipe Gonzalezek, 1984tik 1994ra bitartean terrorismoaren aurkako borrokaren arduraduna izandakoak, urte horiek nola bizi izan zituzten azalduko dute.

Horrez gain, Guardia Zibilaren barne ustelkeria kasuak agerian utzi dituzten bi emakume poliziaren testigantzak ere jasoko ditu saioak, eta, hori dela eta, espetxe zigorrari aurre egin beharko diote.

Gainera, 2017ko urriaren 1eko poliziaren gehiegikeriak eta CDRren eta buruzagi independentista batzuen ikerketan egindako txostenek, Guardia Zibilak Katalunian duen papera zalantzan jartzea eragin dute. Quico Salles eta Pilar Rahola kazetariek harreman hori azalduko digute.

Vox alderdi politikoak kuarteletako hautestontzietan arrakasta handia duela jakin du saioak, eta eskuin muturra Guardia Zibilaren sinbologiaz jabetu ote den hausnartu du.

"360º" saioaren "Guardia Zibila: Estatu bat Estatuaren barruan?" atala gaur izango da ikusgai, 22:15ean, ETB2n eta eitb.eus-en.