Bakea eta giza eskubideak hizpide asteleheneko 'Egun On Euskadi'n

Astelehen honetan, 'Egun On Euskadi' saioak  gonbidatu berezia izango du, Vicenç Fisas. Bartzelonako Unibertsitateak duen Bakearen Kulturarako Eskolako zuzendaria da Fisas eta horrez gain, UNESCOren bakea eta giza eskubideen katedraduna ere bada. Bartzelonatik zuzenean Aitzol Zubizarretaren galderak erantzungo ditu. Euskadiko egoerareren inguruan, astelehenean bertan osatuko den Bakearen konferentziaren inguruan eta bakea lortzeko eman beharreko pausuen inguruan arituko dira.

Bestalde, Juan Mari Gastaca, Josean Izarra eta Iñaki Galdós solaskideak egun-eguneko gaiak izango dituzte mintzagai eta Vanessa Sanchezek, bere aldetik, eguneko albisteen berri emango du. 'Egun On Euskadi' astelehen honetan goizeko 08:00etatik aurrera dago ikusgai ETB-2n.