Bigarren B mailako futbola eta "ETB Kantxa" Eibartik, gaur, zuzenean, EITBn

Hiru kirol emanaldi eskainiko dira gaur ETB1en, Urrezko Aizkolariak, futbola eta pilota. Bi azken hauek zuzenean jarraitu ahal izango dira eitb.eus-en.

Lehenik, 12:00etan, bigarren B mailako futbolaz zuzenean gozatzeko aukera egongo da, aurrez aurre arituko dira, Reala B vs Real Union. Jarraipena Naxari Altunak eta Juanan Larrañagak egingo dute.

Arratsalde partean aldiz, herri kirolak eta pilota izango dira ikusgai. Alde batetik, 16:00etan, Urrezko Aizkolariak jardunaldiaz gozatzeko aukera egongo da Ibon Gaztañazpiren eta Joxe Etxebesteren eskutik.

Bestetik, 17:00etan, "ETB Kantxa" saioa izango da ikusgai. Hiru pilota partida izango dira ikusgai Eibarko Astelena pilotalekutik. Lehenengo, binakako pilota partida bat jokatuko dute Bengoetxea VI - Albisu vs P.Etxeberria - Zabaleta pilotariek, eta gero, buruz buruko txapelketako finalerdiak jokatuko dira. Batetik, Altuna III eta Dario pilotariak arituko dira aurrez aurre, eta promozioko partidan, Elordi eta Egiguren V. Partiden jarraipena Xabier Euzkitzek, Abel Barriolak eta Elena Azpeitiak egingo dute.