Kirolak
Bigarren B mailako futbola eta Tolosako pilota jaialdia, gaur, zuzenean, EITBn
EITB
Lehenengo Amorebieta - Real Unionen arteko futbol partida jokatuko da Bigarren B Mailan. Ondoren, hiru pilota partida eskainiko dira: binanako bi eta buruz buruko bat.
Pilota. Argazkia: EITB
Bi kirol emanaldi izango dira ikusgai gaur, zuzenean, ETB1en eta eitb.eus-en: Bigarren B mailako futbola eta pilota.
Eguneko emanaldiak 15:45ean hasiko dira Bigarren B mailako futbolarekin. Amorebieta eta Real Union taldeak arituko dira aurrez aurre Urritxen. Naxari Altunak eta Juanan Larrañagak egingo dute partidaren kontakizuna.
Ondoren, 17:45ean, "ETB Kantxa" tartea izango da ikusgai, Tolosatik zuzenean. Hiru pilota partida emango dira. Lehenengo P. Etxeberria - Zabaleta bikoteak Agirre - Albisuri egin beharko dio aurre.
Ondoren, Promozioko eskuz banakako finala jokatuko da Elordi eta Arteagaren artean.
Eta amaitzeko, binakako beste partida bat izango da: Alberdi - Ibai Zabala arituko dira Salaberria - O. Etxebarria bikotearen aurka. Jarraipena Xabier Euzkitze, Mikel Idoate eta Ane Muruamendiarazen esku egongo da.