Larunbateko kirolak
Athletic B eta Alavesen arteko norgehiagoka, zuzenean, ETB-1en
A.H.
EITB
Horrez gain, Gaubeka-Larrinaga eta Altadill-Aierbe bikoteen arteko pala partida eskainiko du ETBK Satek.
'Zilarrezko futbola'. Txemi Galarraga. Argazkia: EITB
Larunbat honetan Txemi Galarragak aurkeztutako 'Zilarrezko Futbola' saioak bigarren mailako bi norgehiagoka eskainiko ditu. Arratsaldeko16:00etan Lezamatik zuzenean Athletic B eta Alaves talde euskaldunen arteko partida izango da ikusgai, Xabier Andueza, Juanan Larrañaga eta Joseba Urkiolaren komentarioekin. Ondoren, Girona eta Hercules taldeen arteko norgehiagoka emitituko da eta Ander Txintxurretak egingo du emanaldiaren gaineko kontakizuna 18:00etatik aurrera.
ETBK Sat kateak, bere aldetik, ostiralean Murtzian jokatutako Inter eta Benicarlo taldeen arteko areto futboleko partida eskainiko du arratsaldeko 17:30ean. Gaueko 22:30ean, Bilbon jokatutako pala jaialdiak hartuko du lekukoa: Gaubeka-Larrinaga / Altadill-Aierbe.